PADRÓN | Tardes de coñecemento

Nova actividades no centro de Ategal Padrón, en colaboración co devandito concello. Un ciclo de clases no que se falará de distintas temáticas relacionadas co día a día. Levaranse a cabo os martes de novembro e comezarán ás 18:30 horas. 

O primeiro terá lugar o vindeiro martes 3 de novembro baixo o título “Como decidir o noso futuro e a nosa herdanza: poderes preventivos, pactos sucesorios e testamentos”.

Os seguintes:

• 10 de novembro: “Finanzas para mortais”. Como xestionar mellor a miña economía e as miñas contas bancarias, seguridade, estafas, compras online, consellos seguros.
• 17 de novembro: Curso de Primeiros Auxilios impartido polo Grupo de Emerxencias Supramunicipal Padrón (GES).
• 24 de novembro: Conectemos coa intelixencia artificial (IA).

Podedes inscribiros nas Aulas de Padrón (Campo do Souto, nº 2).