Aos poucos, todo volve á normalidade. E en ATEGAL queremos recuperar o tempo perdido. Xusto cando a pandemia chegou ás nosas vidas, as aulas de Ferrol preparábanse para unha viaxe a Portugal. Como non hai nada que free ás aulas, este ano decidimos retomar esa aventura. E da mellor maneira que sabemos, compartindo. De modo que á viaxe, sumáronse tamén as aulas da Coruña.
Así, xuntas, coñecemos o noso país veciño nun grupo de ata 44 persoas.
Nin sequera o mal tempo púidonos frear, o noso optimismo fíxonos continuar coa viaxe e, como non podía ser doutra maneira, terminou brillando o sol. Esta clase de experiencias son as que nos fan unirnos máis nesta gran familia que é ATEGAL.