O Día Internacional da Muller é un día para tomar conciencia e poñer en valor o papel que as mulleres ocupan na sociedade.
Por iso, nas Aulas Sénior de Galicia abordamos este 8M en clave de xénero. Aínda que xa o facemos de forma transversal, estes días poñemos o foco sobre as mulleres de maneira especial en todas as clases.
Falamos das grandes creadoras obviadas en Historia da arte, lemos ás grandes autoras en literatura, poñemos o acento nas mulleres en clase de francés.
Así, unímonos nas Aulas para conmemorar o 8M da mellor maneira, coa compañía que nos fai crecer cada día e aprendendo.
